გადაუღებელმა წვიმამ პრობლემები შექმნა ზესტაფონის მუნიციპალიტეტშიც. დატბორილია ზესტაფონის სადგურის მიმდებარე ტერიტორია და ცენტრალური ქუჩები. წვიმამ პრობლემები შეუქმნა მოსახლეობას.
ამ დროისთვის ქალაქში ტრანსპორტი შეფერხებით გადაადგილდება.
იმერეთის გუბერნატორის ადმინისტრაციის ინფორმაციით, მეწყერსაშიში ზონებია ზესტაფონის მუნიციპალიტეტის სოფელ II სვირში.
ქალაქს არ მიეწოდება ელექტროენერგია. შორაპანში დაზიანებულია გზა და ტრანსპორტის მოძრაობა შეფერხებულია, სოფელ ბოსლევში გზაზე მეწყერია ჩამოსული.