ზესტაფონში განსაკუთრებით დიდი ოდენობით ჰეროინი ამოიღეს — ZESTAFONI.GE
Close [X]
Facebook:
ZESTAFONI.GE

ZESTAFONI.GE



ზესტაფონში განსაკუთრებით დიდი ოდენობით ჰეროინი ამოიღეს

date 19 აპრილი 2019
article574.jpg

  შინაგან საქმეთა სამინისტროს იმერეთის პოლიციის დეპარტამენტის და თბილისის პოლიციის დეპარტამენტის თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად, 1955 წელს დაბადებული დ.კ. და 1968 წელს დაბადებული თ.ლ. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით დააკავეს.

  დანაშაული 8-დან 20 წლამდე ან უვადოდ თავისუფლების აღკვეთას ითვალისწინებს.

  სამართალდამცველებმა, დ.კ.-ს პირადი ჩხრეკისას, განსაკუთრებით დიდი ოდენობით - 327 გრამი ნარკოტიკული საშუალება „ჰეროინი“ ამოიღეს.

  პოლიციამ ზესტაფონის რაიონის სოფელ წევის ცენტრალურ საავტომობილო გზაზე, მეორე ბრალდებულის - თ.ლ.-ს პირადი ჩხრეკისას, 2 შეკვრად დაფასოებული „ჰეროინის“ შემცველი ფხვნილი ამოიღო.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტებზე, სისხლის სამართლის კოდექსის 260-ე მუხლის მე-6 ნაწილის „ა“ ქვეპუნქტით მიმდინარეობს.


??????? ????