ზესტაფონის მერის მხარდამჭერი აქციის მონაწილეები მერის კაბინეტის წინ მსხდომ მოშიმშილე მოქალაქეებთან შევიდნენ და სთხოვეს , მიეცათ კახა მახათაძისთვის კაბინეტში შესვლის და მუშაობის საშუალება, რასაც ხმაური მოჰყვა. აქციის მონაწილეები რომლებიც კახაბერ მახათაძის გადადგომას ითხოვენ მერვე დღეა აქციებს მართავენ და მეორე დღეა შიმშილობენ. აქციის მონაწილეებმა მერის მხარდამჭერებს მოუწოდეს დატოვონ ტერიტორია რადგან მათ შორის კონსესუსი ვერ შედგება. ადმინისტრაციის უფროსის თქმით გარკვეული ძალების მხრიდან აღნიშნული პროცესები მართულია.