Close [X]
Facebook:
ZESTAFONI.GE

ZESTAFONI.GE



კუკავა – ჩვენს კანდიდატებს ემუქრებიან

date 4 ოქტომბერი 2017
article388.jpg

  „დემოკრატიული მოძრაობა - თავისუფალი საქართველოს“ ერთ–ერთი ლიდერის კახა კუკავას ინფორმაციით, სხვადასხვა მუნიციპალიტეტში, სადაც მათი ბლოკის კანდიდატებს უკავიათ ლიდერის პოზიციები, „მმართველი პარტია და მასთან შეზრდილი უსაფრთხოების სამსახურები ჩვენს კანდიდატებს ემუქრებიან, აშინებენ და კანდიდატურის მოხსნას აიძულებენ“.

  მისივე განცხადებით, ბოლო რამდენიმე დღის მანძილზე ზესტაფონის მუნიციპალიტეტში გამგებლის - ტარიელ თუთარაშვილის და უსაფრთხოების სამსახურის თანამშრომლების ზეწოლით კანდიდატურები მოხსნეს შორაპნის მაჟორიტარმა გოჩა ლაღუნდარიძემ და მეორე სვირის მაჟორიტარმა რომან ჯუღელმა. 
  მივმართავთ საერთაშორისო საზოგადოებას, გამოიკვლიონ ზეწოლის ყოველი ფაქტი და მისცენ სამართლებრივი შეფასება საქართველოში წინასაარჩევნოდ მიმდინარე პროცესებს“, – აცხადებს კუკავა.