იმერეთის, რაჭა–ლეჩხუმის და ქვემო სვანეთის სამხარეო მთავარი სამმართველოს თანამშრომლებმა დააკავეს არასრულწლოვანი 1991 წ.დ. ფირმან შუქრის ძე დვალიშვილი. რომელიც ეჭვმიტანილია 1993 წ.დ ნიკოლოზ ჯაჯვანის მკვლელობაში.
მიმდინარე წლის 29 აგვისტოს, ქ. ზესტაფონში რუსთაველის გამზირზე მდებარე ბაღთან, ნასვამ მდგომარეობაში მყოფი ფირმან დვალიშვილი შეხვდა თავის ნაცნობებს: ხვიჩა კვირიკაძეს, ნიკოლოზ ჯაჯვანს და გიორგი მოდებაძეს. საუბრისას ფირმან დვალიშვილს, სავარჯიშო გირების დაბრუნებასთან დაკავშირებით, უთანხმოება მოუვიდა ხვიჩა კვირიკაძესთან, რაც გადაიზარდა მათ შორის ჩხუბში. ფიზიკური დაპირისპირებისას დვალიშვილმა მიიღო დაზიანებები და რადგანაც ვერ დასძლია მოწინააღმდეგე მხარე, მიატოვა ინციდეტის ადგილი და წავიდა სახლში. თუმცა იყო რა განაწყენებული ხსენებულ პირებზე, გადაწყვიტა მათთან ურთიერთობის გარკვევა. ამ მიზნით იგი მივიდა გიორგი ჭუმბურიძის საცხოვრებელ სახლში, სადაც იმყოფებოდნენ ზემოთ ჩამოთვლილი პიროვნებები, დვალიშვილმა მოსთხოვა აეხსნათ მისი ცემის მიზეზი, თუმცა მათ შორის ურთიერთშელაპარაკება გადაიზარდა ფიზიკურ დაპირისპირებაში, დვალიშვილმა ჩხუბის დროს ცივი იარაღის გამოყენებით, ნიკოლოზ ჯაჯვანს გულ-მკერდის არეში მიაყენა ჭრილობა, რის შედეგადაც ჯაჯვანი გარდაიცვალა. ასევე დვალიშვილმა სხეულის მსუბუქი ხარისხის დაზიანება ნაკვეთი ჭრილობის სახით მიაყენა გიორგი მოდებაძეს.
დაკავებულმა აღიარა ჩადენილი დანაშაული. მიმდინარეობს გამოძიება საქ. სსკ-ს 108 მუხლით.

© Rustavi 2