საქართველოს ჩემპიონი, საფეხბურთო კლუბი ”ზესტაფონი” მწვრთნელის გარეშე დარჩა. გია გეგუჩაძე, რომელმაც გუნდი უეფას ევროპის ლიგის პლეი-ოფამდე მიიყვანა, თავისი სურვილით გადადგა, უმნიშვნელოვანესი მატჩის წინ.
ზეგ, 18 აგვისტოს ”ზესტაფონი” ბელგიის ერთ-ერთ საუკეთესო კლუბს ”ბრიუგეს” მასპინძლობს.
გია გეგუჩაძემ დღეს გავრცელებული ინფორმაცია დაადასტურა და თქვა, რომ გუნდი დატოვა.
მან გადაწყვეტილება ჩემპიონთა ლიგის მე-3 საკვალიფიკაციო ეტაპიდან გამოვარდნის მიზეზით ახსნა.
კლუბის მფლობელი ილია კოკაია კი სატელეფონო საუბარში აცხადებს, რომ ჯერჯერობით არავის გათავისუფლების განცხადებაზე ხელი არ მოუწერია.

"ზესტაფონი" ისეთ ფეხბურთს თამაშობს, რომელიც გულშემატკივარს უყვარს. "ზესტაფონი" ძალიან მომეწონა, მინდა გუნდს და მის გულშემატკივარს გამარჯვება მივულოცო და წარმატებები ვუსურვო.................